Estase a cargar, agarde un momento por favor!

3 de xullo de 2015

Convocatoria Ascensos por Capacitación 2015

Un ano máis, foi comunicada a convocatoria dos exames de ascenso a Niveis VIII, IX e X. Nesta ocasión, unicamente existen 48 prazas para o nivel de Técnico e non hai prazas vacantes para o ascenso aos niveis IX e X do grupo profesional Administrativo. A norma coa información completa é a GR.15.002, onde dispoñedes do enlace para facer a inscrición na proba.

A data do exame está prevista para o mes de novembro deste ano nun lugar e data concreta por determinar. Agardamos que nesta ocasión se produza en día hábil, evitando que os compañeiros e compañeiras que opositen teñan que destinar máis do seu tempo de lecer do absolutamente imprescindible. Lembremos que moitos e moitas se desprazan dende ben lonxe e, se é o caso, teñen que facer noite na Coruña.

O prazo de admisión de solicitudes remata o 15 de xullo de 2015. A reclamación dos non admitidos e non admitidas farase a través do SAE e ten o mesmo prazo. A listaxe de admisión poderase consultar na INTRANET do Banco : Intranet, TU&BBVA, TU&BBVA (Grupo BBVA), Otros Procesos.

O temario tédelo dispoñible na súa versión on-line a través da plataforma de Campus BBVA, e pódese acceder dende calquera ordenador no enderezo . Para o seu estudo, recomendamos pasalo a papel, para evitar esforzos visuais excesivos.

Lembrade que a data de efecto do ascenso é dende 1 de xaneiro de 2015, segundo estipula o Convenio Colectivo de Banca.

Se tendes calquera dúbida ou dificultade, contades cun delegado ou delegada da CIG a vosa disposición. Contactade con nós. Tentaremos axudar.


Moi boa sorte para todos e todas !!!





Súmate a CIG! Afíliate!
Folleto   http://ir.gl/Afiliate [.pdf • 182 kB]
Folla       http://ir.gl/AfiliateCIG [.pdf • 1'09 MB]




Comunicado 150701 [.pdf • 169 kB]


Ningún comentario: