CIG BBVA: A CIG chama a seguir mobilizándose para denunciar as políticas regresivas de Xunta e Estado español

Manifestacións en todas as comarcas este xoves 18 de novembro contra as reformas do capital e os orzamentos do Goberno galego

Os horarios (CET) son os seguintes:

A Coruña, 20:00 h., praza de Vigo.
Compostela, 20:00 h., praza Roxa.
Ferrol, 20:00 h., avenida de Esteiro (locais da CIG).
Lugo, 20:30 h., ronda da Muralla 58. (locais da CIG).
Ourense, 12.00 h., Pavillón dos Remedios.
Pontevedra, 20:00 h., praza da Ferrería.
Vigo, 20:00 h., Vía Norte.
Vilagarcía, 20:00 h., Casa do Mar.

A CIG chama as demáis Centrais Sindicais a mobilizar novamente á Clase Traballadora. A resposta contundente que dimos na xornada de Folga Xeral do día 29 contra a Reforma laboral, non foi suficiente para modificar a decisión do Goberno Español.

As medidas que contempla a Reforma referidas a abaratar o despido, paralizar os Convenios e sustituir contratación indefinida por ETTs, ten unha intención evidente de deixar desprotexida á clase traballadora diante das Empresas e unha finalidade de reducir os salarios.

Na actualidade xa estamos comprobando os efectos mais inmediatos da Reforma, estase a producir numerosos despedimentos amparados en causas obxectivas, que so lle custan 12 días ás empresas, xa que 8 os paga o FOGASA (Fondo de Garantía Salarial), e dicir, todos e todas nós.

Pero as medidas contra a Clase Traballadora non acaban nesta Reforma, teñen preparada unha Reforma das Pensións para mellor negocio da Banca; a Reforma da negociación colectiva (Convenios), para impedir que os propios afectados, os traballadores e traballadoras poidamos decidir sobre os nosos Convenios e poder reducir significativamente os salarios. Finalmente queren reducir tamén as prestacións por desemprego.

Todas as Reformas atacan de xeito brutal os nosos dereitos, os que conquistaron os nosos Pais e nos mesmos na historia de loita da Clase Traballadora.

O Goberno Español e o PP obedecen disciplinadamente a doutrina que reclama o FMI (Fondo Monetario Internacional), Banco Mundial e todas as demais Institucións do Capitalismo. Retirar dereitos, salarios. servizos e prestacións públicas. Transferir salarios da clase traballadora para rendas dos capitalistas e diminuír a protección e os servizos públicos, o ensino, saúde, etc, todo para negocio privado.

A Clase Traballadora loita con dignidade en Francia, Grecia e nos próximos días en Portugal. En Galiza o pasado 29 de Setembro dimos unha resposta incontestable contra a Reforma. O futuro dos nosos dereitos depende de nós mesmos.

A maiores a crise está a destruir sectores vitais da nosa economía en Galiza, abandonados deliberadamente polo Goberno do Estado e a Xunta, mentres contrariamente conceden axudas multimillonarias á Banca e a sectores das Multinacionais e Grandes empresas.