Estase a cargar, agarde un momento por favor!

11 de marzo de 2008

Condena do asasinato de Leonidas Gómez Rozo




O pasado 5 de marzo era asasinado o dirixente nacional da Unión Nacional de Empleados Bancarios de Colombia Leónidas Gómez, unha nova vitima do terrorismo de estado incentivado polo narco-goberno do ultradereitista Alvaro Uribe. O seu cadaver foi atopado o pasado día 8 de marzo acoitelado no seu domicilio.

Leonidas Gómez Rozo era traballador do City-bank e formaba parte do Comite Nacional de Empresa da entidade na UNEB. Non foi ese o único atentado contra sindicalistas bancarios en Colombia, o día 7 de marzo foi tiroteado por dous sicarios outro dirixente do mesmo sindicato.

En Colombia é habitual o asasinato de sindicalistas e das súas familias por parte das empresas, para solucionar os conflitos laborais, asasinatos que Leónidas Gómez denunciou por toda América Latina. Tan só no que vai de ano 9 sindicalistas foron asasinados e outros moitos sufriron atentados.

A UNEB foi o sindicato que denunciou o ano pasado ao BBVA por condutas antisindicais en Colombia. Podes ver aquí a carta remitida polo citado sindicato a OIT. Tamén mantiña un conflito laboral en defensa dos postos de traballo e das condicións laborais co banco HSBC.

Os autores materiais foron os paramilitares as ordes do narco-goberno de Alvaro Uribe, os indutores e beneficiarios os dirixentes dalgun gran banco, magoa que nunca chegaremos a saber cal.

Descanse en paz.

Ningún comentario: